رحلة جميلة

يا كثر مانمسك خط ويذكروني بالطلعه وانساها ..


فمن هذا المنطلق حبيت اساعد نفسي واساعدهم وادون هالذكرى ..


في هذه الرحلة جاء سعيد يسوي اكثر من مقابلة شخصية وراح الخرصانية وراح مادري وين ..


وجاء عزيز مادري وش جاء يسوي بس الزبدة انه جاء ..


ومحمد كان يبي يجي وقال لي رد علي اذا بتجي جدة ولا لا عشان اجي وسحبت عليه لاني الين ماوصلت جدة ماكنت اعرف اذا باجي جدة ولا لا ..


وكان عندي رجلة انتضار يوم الثلوث على الخطوط الي خابرينها ..  ومن يوم السبت وانا ادق عليهم ابشوف وش صار في حجزي لكن للأسف الخط مو راضي يمسك .. وموقعهم خايس يقول لي ارور .. ونزلت برنامجهم حق الرسائل وارسلت لهم مليون رسالة ولا ردوا علي .. حاولت اروح المكتب لقيت انه قدامي 120 معاني ينتضر قبلي فقلت مالها داعي اتطلع هاللطعه وبعدها يقولون لي ماتأكد .. فقلت شكلي باجلس في الشرقية وقررت اخليها بضروفها وجاني سعيد وقلت له كيف الخط معاك قال لي مشينا ومالبثنا الا ان لمينا اغراضنا ودفينها في الشنطة ودقينا السلف في الساعه الـ 12 مساء الا بضع وبضعون دقيقية ..




كانت رحلة خفيفة وظريفة نمت كثير فيها .. وانقطع فينا البنزين ورحنا من عند القمع على قول العسكري وعكسنا الخط وعبينا ومشينا وكان الجو في الطريق متذبذب بين الغبرة والغييوم ..


ووصلنا بحمد الله على اذان الظهر وصلينا في الرحيلي وبعدها زرنا المطعم المتألق ( بئر الروحاء ) الرائع ..


وسدحت له بيتين تعبيراً عن امتناني لجودة اكله اللذيذ وقلت ..


بئر الروحاء وانا اكلك ارتاح .. وبعد ما اكلك احس اني طحت في بير ..
واشرب الببسي وترتاح نفسي .. احبك احبك احبك : )


وهذي هي مخرجات هذا المطعم : )


ومن حسن الصدف اننا دايم كنا نتواعد مع حسام ولد خالتي اننا نروح هالمطعم .. لكن ماسمحت الفرصة في اي تواعد ..


لكن المدهش اننا يوم رحنا لقيناه هناك !! علماً بانه ماكان عنده اي خبر اننا بنجي ..


والى الان ترى مافي اي احد مستوعب اللي صار لكن مانقول الا صدق من قال رب صدفة خير من الف ميعاد ..


وطبعاً بعد اللي صار خرجنا انا وسعيد والدهشة في محيانا حيث انه يقولي بينما انا كنت نايم وهو كان يسوق كان يفكر في السيارة الفان حقت خالي وفجأة سيارة فان تمر من جنبه علماً بانه ماشافها من الخلف لانه له ساعه يفكر في الموضوع  ويهيم في فكرة الفان وعلما بانه لنا سنين ماشفنا سيارة فان وطوطت احد الشوارع ..


ومما زاد دهشتنا اني قلت له خلينا نوثق هالكلام في المدونة ولقينا المذيعه في الاف ام تتكلم عن المدونة مما جعلنا نقوم نلطم في السيارة واثرنا دهشة الجميع ..


وبعد ذلك رحنا محل لا يسعنا المجال لذكره لكن العادة انه محل غثيث  جوي في اجراءاته ونتلطع فيه كثير بينما اليوم كان الموضوع سهالاااااات جدا وكانوا الناس ملطوعين من الصباح وحنا سقطنا عليهم مو بكيفنا انما الموظف جاء دخلنا على طول ..




الزبدة انه كان يوم جميل ..