اليوم الوطني

اليوم الوطني يفترض انه يكون يوم فرح .. اذا الشعب خرج من بيته ومالقي مهرجانات واحتفالات منظمة هذا الشي اللي بيسويه .. بيتشردون في الشوارع ويرقصون

ويطلعون البنات مابقول البنات العاهرات كما يسميهم الكثير لأن العهر هو التجارة بالشرف انما بنات قليلات حياء لأن اللي ترقص قدام الناس في الشارع وفي الاسواق اقل مايقال عنها قليلة حياء .. ومن المؤسف ان نرى مثل هذه المناظر والتصرفات في ارض الرسالة وفي الارض اللي بعث فيها نبينا محمد عليه الصلاة والسلام ونشر تعاليم الاسلام فيها .. وبغض النظر عن صغرهن او كبرهن فأني اتساءل كيف بيصيرون هذول ربات بيوت ومربيات للأجيال .. مابنقول لا تفرحون ولا ترقصوا افرحوا وارقصوا في بيوتكم بدون قلة أدب وقلة حياء ..

نرجع لموضوعنا طالما فيه يوم وطني الناس تبي تحتفل بالتالي هالشعب لازم يسوون لهم مهرجانات منظمة يجمعون الشباب في الملاعب الرياضية ويسوون لهم برامج ويصيحون هناك ويصفقون ويسوون اللي يبون ويفكون الناس من زحمتهم وازعاجهم .. والبنات نفس الشي يشوفون لهم مكان او حتى العوائل يجمعونهم فيه او يكون في الاستاد نفسه مدخل للعوائل وللشباب ..

اما احتفال وطني يكون احتفال في الشوارع فبيكون بهذه الطريقة الهمجية والمزعجة وبتكون محرضة لقلة الحياء وخدش الذوق العام .. ابي افهم اش الاحتفال اللي يحتفله الواحد في اليوم الوطني يخرج في الشارع بسيارته ويرفع صوت الاغاني ويجلس يتفرج في الناس يعني كذا خلاص صار احتفال ؟؟