في الدول اللي تحترم الكائن البشري .. اذا ماقدرت تستخدم الفئران في تجاربها واضطرت انها تقيم تجاربها على الانسان فهي تبحث عن متطوعين او تبحث عن اوادم يجرون فيهم اختباراتهم ويعطونهم فلوس ..
لكن في بلدنا هنا فيه عروض خاصة للطبيب .. اخليه يختبر ويجرب فيني واعطيه فلوس بعد ..
المستشفيات الخاصة يجلسون يخبصون فينا ويلعبون بحسبتنا ويجربون من باب زيادة الخبرة على حسابنا .. وحنا نجي بكل بساطة في مراجعة ثانية ندفع لهم ..
ولو كان فيه نضام يجبرهم انهم يخلون مراجعات المريض مجاناً لين مايتعالج من مرضه ماكان صار فيه تلاعب بس الان بالعكس الطبيب مو من صالحه ان المريض يتعالج يبيه يجيه كل شوي يشيك عليه طبعا مو كل الاطباء بهذا السوء لكن المفروض انه يكون فيه قانون لان مو كل الناس محترمة . يعني ماكفايه انه يجرب فينا كمان ندفع له فلوس ولا نقدر نتكلم ولا نشتكي لانه هذا شي عادي .. عادي ان الواحد يدفع 200 ريال في المراجعة كل اسبوعين عند استشاري في النفسية مثلاً.
لو كل طبيب يعرف انه لو ماتعالج المريض بيتراكمون عليه المرضى لأنهم بيرجعون له مجانا بيكون عمله اكثر دقة مما هو عليه.
لكن الان ماعنده اي مشكلة يجلس يجرب مفعول هالدواء في هالاشخاص ويجرب هذيك الادوية في هالاشخاص منها يكسب خبره ومنها يكسب فلوس والمريض في ستين داهية.
انا اسف اني قارنت وضعنا بالدول المتقدمة لأنها مقارنة فيها اجحاف اساسا في دولة زي فرنسا ماعندها شي اسمه مستشفى حكومي ومستشفى خاص كل الناس تتعالج بنفس المستوى مافي احد احسن من احد.
الله يمدنا واياكم بالصحة والعافية ولا يحوجنا لهالمستشفيات لكن ينغبن الواحد لاحس انه مسخرة يدفع فلوس ويجربون فيه الاطباء 
0 التعليقات:
إرسال تعليق